A materia ofrece un percorrido pola literatura hispanoamericana desde o século XIX até a actualidade, analizando a súa relación cos procesos históricos, sociais e culturais da rexión. A partir da lectura e comentario de textos crave, estúdanse a formación dos imaxinarios nacionais, o modernismo, as vangardas, o boom latinoamericano e as transformacións da narrativa e a poesía contemporánea.
O curso presta especial atención a problemáticas como a identidade, a desigualdade, a representación do indíxena, a memoria, a violencia e as novas subjetividades. A metodoloxía combina clases teóricas, análise textual e exposicións, co obxectivo de desenvolver habilidades críticas e interpretativas no alumnado
