A materia Escola Inclusiva e Atención á Diversidade constitúe unha materia de Formación Básica enmarcada no segundo curso do Plan de Estudos do Grao en Educación Infantil. Esta materia resulta especialmente relevante para a formación do futuro docente, xa que nela analízanse e desenvólvense tendencias e achegas actuais que permiten un achegamento aos coñecementos fundamentais dunha escola para todos, considerando diversas situacións de diversidade. Así, a principal aprendizaxe que se pretende promover a través desta materia é a relativo á natureza e os problemas que afectan á educación cando se enfronta a contextos educativos heteroxéneos na etapa de Educación Infantil.
De acordo coa situación actual do sistema educativo, requírense profesionais cualificados que, ademais de contar cun coñecemento xeral sobre o deseño e a planificación do ensino, as características do proceso de ensino-aprendizaxe etc., sexan capaces de realizar os devanditos deseños tendo en conta a diversidade do alumnado presente nos centros educativos e nas aulas. Tamén é necesario que coñezan as distintas situacións educativas de nenos e nenas que presentan dificultades de aprendizaxe e de atención, coa fin de identificar e aplicar os recursos e metodoloxías máis adecuadas, que ofrezan as mellores oportunidades de educación e inclusión escolar.
Materia do programa English Friendly. O alumnado internacional poderá solicitar ao profesorado: a) materiais e referencias bibliográficas para o seguimento da materia en inglés, b) titorías en inglés, e c) realización de probas e avaliacións en inglés.
Materia do programa Português Amigável. O alumnado internacional poderá solicitar ao profesorado: a) materiais e referencias bibliográficas para o seguimento da materia en lingua(s) estranxeira(s), b) titorías en lingua(s) estranxeira(s), e c) realización de probas e avaliacións en lingua(s) estranxeira(s).
