A materia Traballo Fin de Grao (TFG) consistirá na realización dun traballo de forma individual polo estudante, contando coa titorización dun/unha profesor/a, e permitirá demostrar de forma integrada a adquisición dos contidos formativos e as competencias asociadas o título.
O TFG ríxese pola normativas aprobadas para esta materia pola Universidade de Vigo e pola Facultade de Bioloxía. A xestión de todos os procesos desta materia corre a cargo da Comisión de Traballo Fin de Grao (Comisión de TFG), nomeada pola Facultade a tal efecto.
A materia non ten un horario fixado no calendario escolar, ainda que normalmente realizase durante o segundo cuatrimestre do curso.
O TFG COMO MATERIA PARA MENCIÓNS DA TITULACIÓN. O TFG poderá ser incluido como materia nunha mención da titulación sempre e cando o traballo que desenvolva o estudante estéa orientado aos obxectivos definidos para dita mención na memoria da titulación. A Comisión de TFG será a responsable de validar dito alineamento durante o proceso de adxudicación de traballos aos estudantes matriculados na materia.
